+299 32 12 52

+45 44 22 13 33

Sulianut tunngasuni piumasaqaatit

Home > Sulianut tunngasuni piumasaqaatit

Advokatitut ilinnik sullissisussatut toqqarneqarnitsinnut atatillugu tamatigorluinnaq qanorpiaq naatsorsuutigineqarnerput paasiniartarparput, uagutsinnit qanorpiaq ikiorneqarusunnerit paasiniarlutigu. Taamatut paasiniaasimaneq tunuliaqutaralugu qanoq akeqartitsiniarnermut sapinngisamik aalajangersareerniartarparput suliassiissummullu najoqqutassamik nassitsisarpugut, tassani nassuiarlutigu qanorpiaq ikiuussinnaanersugut.

Suliap naammassinerata kingorna suliamut tunngasut ukiuni tallimani toqqortarisarpagut tamatumalu kingorna nalinginnaasumik najoqqutassat sequtserneqartarput.
Inuinnartut uagutsinnit sullinneqassaguit pisussaaffigaarput pas-ippit assilineranik peqarnissarput inassutigissavarpullu ataatsimiinnermi siullermili taassuma assilineranik nassataqarnissat.

Soqutigisatigut aaqqiagiinngissuteqarneq

Advokatitut sullissinermi malittarisassat malillugit uagullu arlaannaannilluunniit illersuinnginnissamik maleruagassanik malinnittussaanerput pissutigalugit suliap aallartinnginnerani  misissuiffigisarparput soqutigisatigut kiisalu tatigeqatigiinnissamut tunngatillugu aaqqiagiinngissutinik peqarsinnaanersoq. Suliap ingerlannerani arlaannaannilluunniit illersuisussaannginnermut tunngasuni soqutigisatigullu aporaattunik pisoqarnera paasigutsigu sullitarput tamatuminnga piaartumik paasitittarparput aaqqiagiinnginnerullu nassataanik sullissinerput taamaatiinnartariaqalerutsigu advokatimik allamik inassuteqartarpugut.

Tatigeqatigiinneq

Arctic Law-imi sulisut tamarmik nipangiussisussaatitaapput. Paasissutissat suugaluartulluunniit imaluunniit sullitatsinnut tunngasut suliamik tigusinitsinni paasisaqarfigisagut tatigeqatigiinneq tunngavigalugu ingerlanneqartussaapput, pissutsit atuuttut malillugit paasissutissaq nipangiussassaanngikkaangat.

Akit

Akigititatsinnut tunngatillugu advokatitut ileqqussarititaasut malitassaraagut akinillu aalajangersaasimaneq Danmarkimi Advokatnævnimit aalajangersarneqarsimasoq tunnngavigalugu ingerlatsisussaatitaalluta, tassanilu aallaaviusarpoq danskit eqqartuussisarnermi inatsisaanni § 126-imi imm. 2, tassanilu aalajangersarneqarsimavoq:

 

”Advokatip suliaminut naapertuuttumit anginerusumik akissarsisinneqarnissani piumasarisinnaanngilaa”

 

Aalajangersakkap taassuma malinniarnerani akinik aalajangersaanitsinni uuttuutit makkua aallaaviginiartarpagut:

 

  • Suliap annertussusia
  • Suliamut atasumik akisussaaffiligaaneq
  • Suliassiissutip annertussusia
  • Suliap sullitamut qanoq pingaaruteqartiginera, tassunga ilanngullugu suliap qanoq nukingernartiginera
  • Suliap qanoq inerneqarnera.

 

Nalunaaquttap akunneranut akip aalajangersaaffiginera makkunannga tunngavilersugaasarpoq:

 

  • Advokatinut partner: 2.700 kr. /nal. ak.-nut
  • Advokatinut: 2.400 kr./ nal. ak.-nut
  • Advokatfuldmægtignut: 1.750 kr./ nal. ak.-nut

 

Akissarsiassatsinnut isumaqatigiinngissut

Suliaq naammassinerani, akissarsiassatsinnut isumaqatigiinngissuteqaraanni, Advokatsamfund-imut maalaartoqarsinaavoq una aqqutigalugu:

https://www.advokatsamfundet.dk/Advokatregulering/ReglerOgVedtaegter/Oplysningspligt.aspx